Wasiirka Amniga Gudaha ee Soomaaliya ayaa si rasmi ah u daah-furay barnaamij cusub oo lagu xoojinayo amniga xuduudaha iyo garoomada diyaaradaha dalka, kaas oo ujeeddadiisu tahay kor u qaadidda awoodda hay’adaha amniga ee ka shaqeeya ilaalinta xuduudaha.
Barnaamijkan ayaa diiradda saaraya horumarinta xirfadaha ciidamada iyo saraakiisha laanta socdaalka, casriyeynta hababka baarista, iyo adkeynta wada shaqeynta hay’adaha dowladda si loo xoojiyo ka hortagga khataraha amni.
Wasiirka ayaa sheegay in dowladda ay mudnaan gaar ah siinayso sugidda amniga xuduudaha iyo garoomada diyaaradaha, si loo xaqiijiyo badqabka shacabka iyo amniga guud ee dalka.
Daah-furka barnaamijkan ayaa qeyb ka ah dadaallada dowladda ee lagu horumarinayo nidaamka amniga qaranka iyo la dagaallanka khataraha ka iman kara xuduudaha.
#somalia #war #cusub #Followers #muqdisho #dolwadda #jubaland #iran
#facebook #Tiktok #Hormuud #page
———|Share | Like | Comments|——
