Dowladda Soomaaliya iyo waddamada ciidamada ku leh howlgalka AUSSOM ayaa ku heshiiyay in Golaha Ammaanka ee Qaramada Midoobay laga codsado kordhinta taageerada howlgalka muddo 18 ilaa 24 bilood ah.
Shirka Kampala ayaa lagu gorfeeyay mustaqbalka AUSSOM, maalgelinta howlgalka, dagaalka Al-Shabaab iyo xoojinta ciidamada ammaanka Soomaaliya si ay si tartiib ah ula wareegaan mas’uuliyadda amniga dalka.
Mas’uuliyiinta ka qeyb galay ayaa sidoo kale carrabka ku adkeeyay muhiimadda dhismaha Ciidanka Xoogga Dalka Soomaaliyeed iyo helitaanka dhaqaale waara oo lagu sii wado howlgalka, xilli Mareykanka uu qorsheynayo inuu joojiyo taageerada uu siinayo dhammaadka 2026.
