Dalal dhowr ah oo Carbeed ayaa si kulul u cambaareeyay booqashadii uu Wasiir ka tirsan dowladda SRL ku tagay Masaajidka Barakeysan ee Al-Aqsa, iyagoo ku tilmaamay tallaabadaasi mid sii hurin karta xiisadda gobolka.
Dalalka ayaa sheegay in gelitaanka wasiirka uu yahay xadgudub ka dhan ah xaaladda taariikhiga ah iyo sharciga ee goobta barakeysan, waxayna ugu baaqeen beesha caalamka inay qaaddo tallaabooyin lagu joojinayo falalka kicinaya colaadda.
War-saxaafadeedyo ay soo saareen dalalka Carabta ayaa lagu adkeeyay muhiimadda ay leedahay ilaalinta karaamada iyo xurmada Masaajidka Al-Aqsa, iyadoo la xusay in tallaabooyinka noocan oo kale ah ay wiiqi karaan dadaallada lagu doonayo xasilloonida Bariga Dhexe.
Dhacdadan ayaa ku soo beegmaysa xilli gobolka uu wajahayo xiisado isa soo taraya, kuwaas oo la xiriira xaaladda amni iyo siyaasadeed ee ka taagan dhulka Falastiin.
#somalia #war #cusub #Followers #muqdisho #dolwadda #jubaland #iran
#facebook #Tiktok #Hormuud #page
———|Share | Like | Comments|——
