Kismaayo – Guddoomiyaha Degmada Kismaayo ayaa shacabka magaalada iyo nawaaxigeeda uga digay saameynta roobabka la xiriira El Niño, isagoo ugu baaqay bulshada inay qaataan digniinaha iyo talooyinka laamaha ay khuseyso.
Guddoomiyaha ayaa sheegay in roobabka xooggan ay sababi karaan fatahaado iyo dhibaatooyin kale oo saameyn kara dadka ku nool meelaha hoose, gaar ahaan kuwa u dhow goobaha ay biyuhu ku fatahaan.
Wuxuu bulshada kula dardaarmay inay si dhow ula socdaan digniinaha laga soo saarayo xaaladda cimilada, isla markaana ay ka fogaadaan meelaha khatarta ah marka roobab xooggan da’ayaan.
Guddoomiyaha ayaa sidoo kale carrabka ku adkeeyay muhiimadda ay leedahay in shacabka ay raacaan digniinaha iyo tilmaamaha hay’adaha ay khuseyso, si looga hortago khasaaraha ka dhalan kara roobabka iyo fatahaadaha.
Maamulka Degmada Kismaayo ayaa bulshada ugu baaqay inay muujiyaan feejignaan iyo isku-tashi, iyadoo la filayo in xaaladda cimilada si joogto ah loola socdo.
