Tababarkan oo socon doono laga bilaaba 25ka bisha july iilaa 30ka Bisha ayaa waxaa ka qeybgalay aradayda wax ku barata deeqda waxbarashada hormuud salaam foundation iyadoo diiradda lagu saarayo horumarinta tayada waxbarasho, kobcinta xirfadaha hoggaaminta, hal-abuurka iyo sidii ardayda loogu diyaarin lahaa fursadaha shaqo ee mustaqbalka.
Mas’uuliyiinta Hormuud Salaam Foundation ayaa sheegay in qabashada tababarkan uu qeyb ka yahay dadaallada joogtada ah ee hay’addu ku taageerto ardayda Soomaaliyeed, si loo helo jiil leh aqoon iyo xirfad sare oo ka qeyb qaata horumarka dalka.
Gudoomiye ku xigeenka Hay’adda Hormuud salaam Foundation Cabdiraxmaan Ibraahim Cilmi, ayaa ugu horeen faafahin kabixiyay tababarkan.
Dr. Xasan Maxamed Sayid oo ah Guddoomiyaha Midowga Jaamacadaha ayaa dhankiisa muujiyay muhiimada tababarkan.
Ardayda ka qeyb galaysa tababarkan ayaa dhankooda soo dhaweeyay barnaamijkan, iyagoo xusay in uu wax weyn ka tari doono kor u qaadidda tayadooda waxbarasho iyo horumarinta kartidooda shaqsiyeed.
Tababarkan ayaa muujinaya doorka muhiimka ah ee Hormuud Salaam Foundation ay ku leedahay taageerada waxbarashada iyo awood-siinta dhalinyarada Soomaaliyeed, iyadoo sii xoojinaysa dadaallada lagu dhisayo mustaqbal ifaya oo ay hoggaaminayaan arday aqoon iyo tayoleh.
Halkaan ka daawo https://www.facebook.com/share/v/1DUfwWLxPK/?mibextid=wwXIfr
