Ciidanka Ilaalada Kacaanka Iiraan (IRGC) ayaa ku dhawaaqay inay mar kale xireen Marinka Hormuz “ilaa amar dambe”, kaddib markii ay sheegeen inay rasaas digniin ah ku fureen markab isku dayay inuu maro marin aysan oggolayn. Warbaahinta dowladda Iiraan ayaa baahisay warkan, iyadoo wakaaladda wararka ee Reuters ay sidoo kale xaqiijisay in bayaankaasi la soo saaray.
Go’aankan ayaa yimid xilli ay Cumaan ka socdeen dadaallo diblomaasiyadeed oo lagu doonayay in dib loogu furo marinka maraakiibta ganacsiga, iyadoo Mareykanka uu riixayay in la xaqiijiyo badqabka isu socodka maraakiibta. Si kastaba, ku dhawaaqista cusub ee IRGC waxay muujineysaa in xiisadda ka taagan Marinka Hormuz ay weli sii socoto.
