Kulan is-dhaafsi xog iyo wada-tashi ah ayaa maanta magaalada Muqdisho ku yeeshay xubnaha Golaha Mustaqbalka Soomaaliyeed (GMS) ee ku sugan Muqdisho.
Kulanka ayaa la sheegay in xubnuhu isku dhaarsadeen in aan indhaha laga daawan karin xaaladda adag ee shacabka Soomaaliyeed ay wajahaan, iyadoo si gaar ah looga hadlay xaaladda siyaasadeed ee dalka iyo is-mariwaaga u dhexeeya Dowladda Federaalka iyo mucaaradka.
Sidoo kale, Raโiisul Wasaarihii hore Xasan Cali Khayre iyo Madaxweynihii hore Sheekh Shariif Sheekh Axmed ayaa la sheegay inay soo jeediyeen in aan la sii sugin waxa ay ku tilmaameen cagajiidka Villa Somalia, balse la qaado tallaabo siyaasadeed oo wax ka beddeli karta xaaladda taagan.
Kulankan ayaa kusoo beegmaya xilli khilaafka siyaasadeed ee u dhexeeya Dowladda Federaalka iyo mucaaradka uu weli taagan yahay, iyadoo dhinacyadu ay horey u yeesheen kulamo iyo wada-hadallo dhowr ah.
