Raโiisul Wasaare Ku-xigeenka 2-aad ee Xukuumadda Federaalka Soomaaliya ayaa maanta si rasmi ah uga tanaasulay dhalashada iyo baasaboorka dalka Kenya ee uu hore u haystay.
Goโaankan ayaa imanaya kadib muran siyaasadeed iyo sharci oo ka dhashay safarkiisii magaalada Nairobi, halkaas oo lagu xannibay Garoonka Diyaaradaha Caalamiga ah ee Jomo Kenyatta. Dowladda Kenya ayaa xilligaas sheegtay in ay baaritaan ku waddo sida uu ku helay dhalashada iyo baasaboorka Kenya, iyadoo ku eedeysay in dukumentiyadaasi lagu qaatay hab aan waafaqsanayn sharciga.
Masโuulka ayaa markii dambe dib loogu soo celiyay magaalada Muqdisho, kaddib markii loo diiday inuu sii galo gudaha Kenya.
Wararka soo baxaya ayaa sheegaya in goโaanka uu maanta uga tanaasulay dhalashada iyo baasaboorka Kenya uu la xiriiro murankii ka dhashay arrintaas, inkastoo aan weli si rasmi ah loo shaacin sababaha faahfaahsan ee goโaankaasi.
Dhacdadan ayaa si weyn u soo jiidatay indhaha siyaasiyiinta iyo shacabka, iyadoo la filayo in dowladda Federaalka Soomaaliya iyo dowladda Kenya ay ka hadlaan saameynta ay arrintani ku yeelan karto xiriirka labada dal.
