Muqdisho โ Raโiisul Wasaaraha Xukuumadda Federaalka Soomaaliya, Xamsa Cabdi Barre, ayaa sheegay inaysan jirin wax wada hadal ah oo u dhexeeya Dowladda Federaalka Soomaaliya iyo Al-Shabaab, isagoo beeniyay warar maalmihii la soo dhaafay la isla dhex marayay oo sheegayay in labada dhinac ay wadahadallo yeesheen.
Raโiisul Wasaaraha ayaa caddeeyay in dowladda iyo Al-Shabaab uu ka dhexeeyo dagaal toos ah, isla markaana dowladda ay weli ku taagan tahay siyaasaddeeda ah in dalka laga xoreeyo kooxda.
โMa jiro wax wada hadal ah oo u socda dowladda iyo Al-Shabaab. Dowladda waxaa ka goโan la dagaallanka kooxaha argagixisada ah iyo sidii dalka looga xoreyn lahaa,โ ayuu yiri Raโiisul Wasaaruhu.
Xamsa Cabdi Barre ayaa xusay in dowladda Federaalka ay sii wadayso howlgallada amniga iyo kuwa milatari ee ka dhanka ah Al-Shabaab, isaga oo sheegay in ciidamada qalabka sida iyo shacabka Soomaaliyeed ay door muhiim ah ka qaadanayaan dagaalka lagu ciribtirayo kooxda.
Hadalka Raโiisul Wasaaraha ayaa kusoo beegmaya xilli ay soo baxayeen warar iyo hadal-heyn la xiriirtay suurtagalnimada wada hadal u dhexeeya dowladda iyo Al-Shabaab, arrintaas oo hadda uu si cad u beeniyay madaxda xukuumadda.
Dowladda Federaalka Soomaaliya ayaa marar badan ku celcelisay in mudnaanteeda koowaad ay tahay sugidda amniga dalka, xoreynta deegaannada ay kooxda Al-Shabaab kaga sugan tahay qeybo ka mid ah dalka iyo xoojinta awoodda hayโadaha amniga.
Hadalka Raโiisul Wasaaraha ayaa mar kale muujinaya mowqifka dowladda ee ku aaddan dagaalka lagula jiro Al-Shabaab, iyadoo xukuumaddu adkaynayso in aanay jirin wax wada xaajood ah oo haatan u socda labada dhinac.
